चलचित्र ‘पारी बुटोल’को टिजरमा यथार्थपरक सुगन्ध

काठमाडौं

धेरै चलचित्रहरु हलमा हेर्दा आँखामा बिझउछन् । विशेष गरेर द्वन्द्वको दृश्यहरुमा यतार्थपरक स्वाद पस्कन निर्देशकहरुलाई कठिनाई परिरहेको हुन्छ ।

भर्खरै सार्वजनिक चलचित्र ‘ पारी बुटोल ’को टिजरमा यथार्थपरक सुगन्ध भेटिन्छ ।
चलचित्रलाई तथ्यको नजिक ल्याउन गणेश देव पाण्डेले विषेश मेहनत गरेको बुझिएको छ । चलचित्रलाई यतार्थपरक ढंगले प्रस्तुत गर्न उनले यहाँका स्थानमा छायाँकन गर्नुका साथै त्यहाँको वास्तविक वातावरणलाई समेटेको अनुभव हुन्छ । चलचित्र बुटवलका वास्तविक मानिसहरुले भोगिरहेको जीवनमा आधारित रहेको बताइएको छ ।

चलचित्रलाई यतार्थपरक देखाउन र विश्वास योग्य बनाउन निर्देशक पाण्डेले करिव एक हजार जनाको भीडबाट अडिसन लिएर पात्र चयन गर्दै कलाकार छनौट गरेका थिए । ती कलाकारहरुलाई लामो समयसम्म कार्यशाला र एक्सनका लागि वर्कशप गराइएको थियो ।
चलचित्रलाई ग्याङ्स्टर जनरामा ढालेर निर्माण गरिएको छ ।

चलचित्रमा अनुप बराल, दिया मास्के, कामेश्वर चौरासिया, दिव्य देव, सुवर्ण थापा, निरिक्षा घतानी, तुफान थापा, अविरल प्रताप अधिकारी, किरण श्रेष्ठ, सुयोग तिमल्सिना, सुशील सिटौला, विक्रम श्रेष्ठ लगायत कलाकारहरुको अभिनय रहेको छ ।

ल्याक्सी श्रेष्ठले निर्माण गरेको यस चलचित्रमा मनीषा अधिकारी सह–निर्माता छन्। चलचित्रमा एनबी महर्जनको एक्सन, लोकेश बज्राचार्यको सम्पादन, मनिता सुन्दासको कला निर्देशन र रोहित बरालको लोकेसन साउन्ड छ । पोस्टर तथा पब्लिसिटी डिजाइन रोयल भीमसेनको रहेको छ