ललितपुरमा समेत देखियो डेङ्गी सङ्क्रमण, सतर्कता अपनाउन आग्रह

काठमाडौँ
पछिल्लो समय ललितपुरमा समेत डेङ्गी सङ्क्रमण देखिएपछि सतर्कता अपनाउन आग्रह आग्रह गरिएको छ ।इपिडिमियोलोजी तथा सरुवा रोग नियन्त्रण महाशाखाले ललितपुरसहित १३ स्थानीय तहलाई डेङ्गी सङ्क्रमणबाट बच्न सर्तकता अपनाउन आग्रह गरेको छ । महाशाखाका किटजन्य रोग शाखाका प्रमुख डा गोकर्णप्रसाद दाहालले ती १३ स्थानीय तहमा डेङ्गी सङ्क्रमण देखिएकाले सतर्कता अपनाउन आग्रह गरिएको बताएका छन् ।

“हामीले पुस यता सबै स्थानीय तहको डेङ्गी सङ्क्रमणको अवस्थाको अध्ययन गरिरहेका छौँ”, शाखाका प्रमुख डा दाहाललेले भने, “अन्य स्थानीय तहमा फाट्टफुट्ट डेङ्गी सङ्क्रमण देखिएका छन् । तर यी १३ स्थानीय तहमा पाँच वटासम्म सङ्क्रमण देखिएको सतर्कता अपनाउन पत्राचार गरेका छौँ ।”

उहाँका अनुसार ललितपुरको ललितपुर महानगरपालिका, ओखलढुङ्गाको सिद्धिचरण नगरपालिका, झापाको भद्रपुर नगरपालिका, विर्तामोड नगरपालिका, मेची नगरपालिका र कचनाकेवल गाउँपालिका, सुनसरीको धरान उमहानगरपालिका म्याग्दीको वेनी नगरपालिका, चितवनको भरतपुर महानगरपालिका, रूपन्देहीको बुटवल उपमहानगरपालिका, मकवानपुरको हेटौँडा उपमहानगरपालिका र सिन्धुलीको कमलामाई नगरपालिकारहेका छन् ।

पुस यता करिव ६ सय जनामा सङ्क्रमण देखिएको थियो । शाखा प्रमुख डा दाहालले अहिलेको पानीले केही सङ्क्रमण नबढाउने बताएका छन् । “अहिलेको पानी डेङ्गी सार्ने लामखुट्टे फैलिने छैन । एक छिन आउने त्यसपछि नआउने खालको छ”, उनले भने, “त्यसैले अहिलेको पानीमा डेङ्गी सार्ने लामखुट्टे फैलिने सक्दैन । सङ्क्रमणको जोखिम कम छ ।

पानी जम्ने सफा ठाउँमा ‘एडिज एजिप्टी र एडिस एल्बोपिक्टस’ प्रजातिको लामखुट्टेले फुल पार्दछ र ती फूल लार्भा निस्कन्छ र त्यही लार्भा वयस्क भएपछि टोकेपछि डेङ्गी सङ्क्रमण लाग्दछ ।