चलचित्र लालीबजारको प्रदर्शनमा रोक लगाउन माग गर्दै प्रर्दशन गरिएको छ ।
बादी समुदायको मानमर्दन र चरित्र हत्या हुनेगरी चलचित्र ‘लालीबजार’ निर्माण गरिएको दाबी गर्दै केही बादी समुदायका प्रतिनिधिहरूले आइतबार प्रदर्शन गरेका हुन् ।
प्रदर्शनमा सहभागीहरूले लालीबजार चलचित्र बन्द गर लेखिएका ब्यानर र प्लेकार्डहरू बोकेको देखिन्थ्यो।
बादी समुदायको इतिहासलाई बङ्ग्याएर चलचित्र निर्माण गरिएको उनीहरुको आरोप छ ।
उनीहरुले भ्रामक सन्दैश फैलाउने चलचित्र प्रर्दशन गर्दा बादी समुदायको आत्मसम्मानमा चोट पुग्ने तर्क गरेका छन् ।
चलचित्रमा प्रयोग गरिएका दृष्यहरूले समुदायको नैतिकतामाथि प्रहार गरेको उनीहरूको तर्क छ ।
यो चलचित्रको विषयबस्तुमा उच्च अदालत पाटनमा रिट परेपछि अन्तरिम आदेश दिएको कारण गत वैशाख १८ गते प्रर्दशन रोकिएको थियो । अदालतले चलचित्र प्रर्दशन गर्न अनुमती दिएपछि गतशुक्रबारबाट प्रर्दशनमा आएको थियो ।
प्रतिक्रिया