‘गजिनी’ भिलेन प्रदीपसिंह रावतको निधन

काठमाडौंं
भारतीय चर्चित ‘गजिनी’का भिनेन एवं अभिनेता प्रदीपसिंह रावत निधन भएको छ । नेपाली अभिनेत्री विपना थापाले रावतको निधन भएको पुष्टि गरेकी छन् । ब्लड क्यान्सरबाट पीडित रावतको ७४ वर्षको उमेरमा मंगलबार साँझ मुम्बईस्थित कोकिलाबेन अस्पतालमा उपचारका क्रममा निधन भएको हो।

उनी ‘सरफरोश’, ‘लगान’ र ‘गजिनी’जस्ता हिन्दी चलचित्रमार्फत चर्चामा आएका थिए । नेपाली,तेलुगु, हिन्दी र तमिल फिल्मका चर्चित अभिनेता रावतले नेपाली चलचित्र ‘आबाट आमा’ र ‘ह्रस्व दीर्घ’ मा पनि अभिनय गरेका छन्।
भारतीय फिल्मकर्मी तथा कलाकारहरूले पनि सामाजिक सञ्जालमार्फत श्रद्धाञ्जली अर्पण गरिरहेका छन्।