दक्षिण ललितपुरको मगरगाँउ विद्यालयले डाक्टर इञ्जिनियरदेखि पत्रकारसम्म सम्मान गर्ने

ललितखबर
१२ फागुन । दक्षिण ललितपुरको मगरगाँउ माध्यामिक विद्यालयले स्वर्ण महोत्सवको सन्दर्भ पारेर विद्यालयमा अध्ययन गरेर डाक्टर, इञ्जिनियर,वकिल पाइलटदेखि पत्रकारसम्म बन्न सफल पुर्वविद्यार्थीलाई सम्मान गर्ने भएको छ ।
विद्यालयका अनुसार कम्तिमा एक शैक्षिक सत्र अध्ययन गरेर डाक्टर, इञ्जिनियर,वकील,पाइलट,नेपाल नेपाल सरकार र गैरसरकारी,नीजि वा वित्तीय संस्थाको अधिकृत स्तर वा सो भन्दामाथि पद धारण गरेर काम गरेका पुर्वविद्यार्थीलाई सम्मान गर्ने भएको हो ।
विद्यालयले राष्ट्रिय स्तरको संचारमाध्यम र कलाकारिता क्षेत्रमा योगदान दिने व्यक्तिहरुलाई समेत सम्मान गर्ने योजना बनाएको छ । यसका लागि बायोडाटा उपलव्ध गराउन विद्यालयले आग्रह गरेको छ ।
विद्यालयले सम्मानित व्यक्तीत्वहरु नछुटुन् भन्ने उद्देश्यले आवश्यक काजगात सहित निवेदन दिन आग्रहर गरेको छ । यही फागुन १८ गतेदेखि विद्यालयको स्वर्ण महोत्सव हुने भएको छ ।

कार्यक्रमलाई पुर्वप्रधानमन्त्री केपी शर्मा ओलिले उद्घाटन गर्ने कार्यक्रम तय भएको कोञ्ज्योसोम गाँउपालिकाका अध्यक्ष कृष्णमान लामाले बताए ।