चलचित्र ‘एक्टर’मा अभिनेता प्रदिप खड्का घाइते अवस्थामा रहेको पोस्टर सार्वजनिक

काठमाडौं
१३ भदौं । चलचित्र ‘एक्टर’का अभिनेता प्रदिप खड्का घाइते अवस्थामा रहेको पोस्टर सार्वजनिक गरिएको छ ।
पोस्टरमा प्रदीप खड्काको अनुहारभरि घाउ देखिन्छ । लामो कपालमा रहेका उनको अनुहारभरी घाउचोट लागेको आलो रगत लत्पलिएको अवस्थामा देख्दा चलचित्रमा उनी आपत विपतमा रहेको भूमिकामा छा् भन्ने अनुमान गर्न सकिन्छ । यस पोस्टरबाट उनी कसैको आक्रमणमा परेको प्रष्ट बुझिन्छ ।
हरेक चलचित्रमा विशेष भूमिका र चरित्रमा प्रस्तुत हुँदै आएका अभिनेता प्रदिपको यस चलचित्रबाट खास केही छ भन्ने दर्शकले अपेक्षा गरेका छन् ।
कालो टिसर्टमा रहेका उनी कुनै होटेल वा पवमा रहेका हुन् कि भन्ने पृष्ठभूमी हेरेर अनुमान लगाउन सकिन्छ । तर प्रष्ट भने छैन । यद्यपि, कालो टिसर्ट, मुख्य पात्रमाथिको आक्रमण र पृष्ठभूमीको कलरले कतै चलचित्रले स्याड स्टोरी त भनेको छैन भन्ने अनुमान लगाउन सकिन्छ । तर निर्माणपक्षले स्टोरी खुलाएको छैन ।
पोस्ट प्रोडक्सनमा रहेको चलचित्र ‘एक्टरः टेक वान’को दोस्रो अफिसियल थिम पोस्टर सार्वजनिक भएको छ । निर्माणपक्षले आज थिम पोस्टर सार्वजनिक गरेको हो ।