ललितपुर
४ असोज । ललितपुरको इमाडोलमा पानी तान्ने क्रममा करेन्ट लागेर एक युवकको मृत्यु भएको छ ।
प्रहरीका अनुसार महालक्ष्मी नगरपालिका ९ लुभु शिद्धिपुर बस्ने चितवन घर भएका ४० वर्षीय राम कृष्ण परियारको करेन्ट लागेपछि मृत्यु भएको हो ।
महालक्ष्मी नगरपालिका–४ इमाडोल गोलभट्टास्थित निर्माणाधीन घरमा पानी तान्ने मेसिन जोड्ने क्रममा करेन्ट लागेर उनी गम्भीर घाइते भएका थिए ।
उनलाई तत्काल उद्दार गरेर उपचारका लागि किष्ट अस्पतालमा पु¥याइएको थियो । उनलाई डाक्टरहरुले उपचारको क्रममा मृत घोषणा गरेका हुन् ।
यस सम्बन्धमा प्रहरीले आवश्यक अनुसन्धान गरिरहेको जानकारी दिएको छ ।
प्रतिक्रिया