अभिनेता दयाहाङ चलचित्र ‘कार्साङ’मार्फत शेर्पा भेषमा देखिदै

अभिनेता दयाहाङ राईलाई सधै उस्तै भूमिकामा देखिने आरोप छ । तर चलचित्र ‘कार्साङ’ले त्यो भ्रम तोड्न सक्ने अपेक्षा गरिएको छ

काठमाडौं
अभिनेता दयाहाङ राई चलचित्र ‘कार्साङ’मार्फत शेर्पाको भूमिकामा देखिने भएका छन् ।
यस चलचित्रमार्फत दर्शकले शेर्पा समुदायको संस्कृती पनि अनुभूत गर्न पाउने निर्माण पक्षले जानकारी दिएको छ ।
चलचित्रमा अभिनेता दयाहाङ राईसँगै सिर्जना निङलेखु, जितु नेपाल, दीया मास्के, बुद्धि तामाङ, सृष्टि गौतम, डोमा ह्योल्मो, प्रेम लोप्चन, सुरवीर पण्डितलगायत कलाकारको अभिनय छ । अभिनेत्री सिर्जना निङलेखुको यो डेब्यु चलचित्र हो ।
सधैं भूईमान्छेको मौलिक कथामा देखिदै आएका अभिनेता राईले फरक चरित्र पस्कने अपेक्षा गरिएको छ ।
अभिनेता दयाहाङ राईलाई सधै उस्तै भूमिकामा देखिने आरोप छ । तर चलचित्र ‘कार्साङ’ले त्यो भ्रम तोड्न सक्ने अपेक्षा गरिएको छ ।
चलचित्र ‘कार्साङ’ पुस २६ गत देशभर प्रर्दशनको तयारीमा छ । उनको चलचित्र ६ महिनापछि प्रदृशन हुन लागेको हो । असार २८ गते उनले अभिनय गरेको चलचित्र ‘घर ज्वाईं’ प्रर्दशन भएको थियो ।
‘कार्साङ’ यम शेर्पाको डेव्यु निर्देशन हो । ‘कार्साङ’को कथा पनि निर्देशक स्वयंले लेखेका छन् ।
यार्सा फिल्म्स र पुरुषोत्तम प्रधान फिल्मसको प्रस्तुतिमा निर्माण भएको चलचित्रमा पुरुषोत्तम प्रधान छायांकार हुन् । उनी निर्माता पनि हुन् ।
चलचित्रको सहनिर्माता गोविन्द बोहरा हुन् भने कार्यकारी निर्माता आङछिरिङ शेर्पा हुन् ।