चापागाँउ
दक्षिण ललितपुरस्थित कोञ्ज्योसोमका किशोरीहरुलाई पाठेघरको मुखको क्यान्सरविरुद्ध खोप सञ्चालन गरिने भएको छ ।
गाँउपालिकाका अनुसार माघ २२ देखि २५ गतेसम्म यस क्यान्सरविरुद्ध एचपिभी खोप कार्यक्रम सञ्चालन गरिन लागिएको हो ।
गाउँपालिकाका स्वास्थ्य शाखा संयोजक जयराम सञ्जेलका अनुसार विद्यालय जाने र नजाने ६ देखि १० कक्षासम्मका चार सय भन्दा बढी किशोरी छात्राहरु तथा विद्यालय नजाने १० देखि १४ वर्ष उमेर समुहका किशोरीहरुलाई यो खोप दिइनेछ ।
गाउँपालिका स्तरीय खोप समन्वय समितिले कार्यक्रम सञ्चालनका लागि गाउँपालिकाभित्रका ११ विद्यालयहरुमा खोप कार्यक्रम लागु गर्ने तयारी गरेको छ । विद्यालय जान छुटेका किशोरीहरुलाई सबै वडाका स्वास्थ्य संस्थाबाट खोप उपलब्ध गराईने गाँउपालिकाको योजना छ ।
विश्वमै भयावह प्रकोपको रुपमा फैलिरहेको पाठेघरको मुखको क्यान्सर विरुद्ध नेपाल सरकारले देशैभरि अभियान सञ्चालन गरिरहेको छ ।
प्रतिक्रिया