दिलिपकी छोरी दिव्या चलचित्रमा निरन्तर व्यस्त

ललितपुर
केही समय अघि अमेरिकाको आर्कषक जागिर छोडेर चर्चित अभिनेता दिलिप रायमाझीकी छोरी दिव्या रायमाझीको परिवार नेपाल बसाई स¥यो । नेपाली चलचित्र क्षेत्रमा भविश्य देखेर नेपाल फर्केकी दिव्याले पछिल्लो समय भटाभट चलचित्रमा अनुबन्धित हुँदै व्यस्त बन्न थालेकी छिन् ।

अहिले उनको चलचित्र ‘एक्टरः टेक वन’ देशभरका हलहरुमा प्रर्दशन भइरहेको छ । पछिल्लो समय उनले चलचित्रको पिताम्बरको छायाँकन समापन गरेकी छिन् ।

हालै अभिनेत्री दिव्या रायमाझीले नयाँ नेपाली चलचित्र ‘माया प्रीति’ मा प्रमुख भूमिका निभाउने गरि अनुबन्धित भएकी छिन् । निर्माणाधीन यस चलचित्रका कार्यकारी निर्माता सन्तोष कुमार कार्की र क्रिएटिभ निर्देशक प्रणव जोशीले बुधवार उनलाई आधिकारिक रूपमा अनुबन्ध गरेका हुन् ।
रोमान्टिक कमेडी यो चलचित्रलाई अवि श्रेष्ठले निर्देशन गर्नेछन् ।

चलचित्रमा अनुबन्ध भएपछि रायमाझीले आफू नेपाली चलचित्रको संस्कारमा हुर्किएकी भएकाले राम्रो स्क्रिप्ट छनोट गर्न सजिलो भएको बताइन् । ‘माया प्रीति’को कथा आफूले खोजे जस्तै भएको उनको भनाइ छ । तर, उनले आफ्नो भूमिकाबारे भने खुलासा गर्न चाहिनन् ।
वन टू थ्री स्टुडियोज प्रा.लि.को ब्यानरमा निर्माण हुने यस चलचित्रमा चर्चित अभिनेत्री निशा अधिकारी कार्यकारी निर्माताको रूपमा रहनेछिन् ।