आदेश जारी हुँदा चलचित्रको करोडौं लगानी जोखिममा परेको छ र यसले सिर्जनशील सर्जकलाई नराम्ररी झस्काएको छ
चलचित्र ‘लाज शरणम्’को प्रचार रोक्न अदातलले दिएको आदेशप्रति निर्देशक समाजको गम्भीर ध्यानाकर्षण जनाएको छ ।
समाजले विज्ञप्ती प्रकाशन गरेर फाट्टफुट्ट आएका प्रचार सामग्रीको भरमा उच्च अदालत पाटनले चलचित्रमाथि अंकुश लगाउने आदेश दिएको आरोप लगाएको हो ।
समाजका अध्यक्ष जनकदीप पराजुलीले चलचित्रको सेन्सर बोर्डले जाँच गर्नुपर्नेमा आदेश जारी हुँदा करोडौं लगानी जोखिममा परेको उनको विज्ञप्ती जारी गरेर असन्तुष्टि जनाएका छन् ।
समाजका विभिन्न पात्र र प्रवृत्तिलाई लिएर कथानकको रुपमा बनाइने चलचित्रलाई अंकुश लगाएको विज्ञप्तीको आशय रहेको छ ।
विज्ञप्तिमा भनिएको छ, ‘ आदेश जारी हुँदा चलचित्रको करोडौं लगानी जोखिममा परेको छ र यसले सिर्जनशील सर्जकलाई नराम्ररी झस्काएको छ ।’
समाजले ‘लाज शरणम्’को कानूनी लडाइँमा ऐक्यवद्धता जनाउदैसम्बन्धित संघसंस्थालाई गोलबद्ध हुन आग्रह गरेको छ ।
विज्ञप्तीमार्फत अध्यक्ष पराजुलीले सम्भावित चुनौतिहरुलाई मध्यनजर गरी परिपक्वताका साथ काम गर्न समेत आग्रह गरेका छन् ।
प्रतिक्रिया