गोदावरी नगरपालिका सार्वजनिक जग्गा खाली गराउदै

ललितखबर
गोदावरी नगरपालिकाभित्र सार्वजनिक जग्गाको संरक्षण हुन नसकेको व्यापक गुनासो आइरहेको सन्दर्भमा नगरपालिकाले एक जग्गा सार्वजनिक रहेको ठहर गर्दै खाली गराउन सूचना प्रकाशन गरेको छ ।
नगरपालिका ११ चापागाँउस्थित ज्ञानबहादुर महर्जन र सन्तुमाया महर्जनको १३ जना परिवार बस्दै आएको साविक चापागाँउ गाविस ९ (ग) २८५ कित्ता नम्बरको जग्गा मालपोत र नापी कार्यालयको फिल्ड बुकमा सार्वजनिक जग्गामा रहेको खुलेकोले जग्गा खाली गराउन पत्राचार गरेको हो ।

नगरपालिकाले ७ दिन भित्र सो जग्गा खाली गराउन र नगराए कानून अनुसार कारवाही गर्ने चेतावनी समेत दिएको छ । नगरपालिका आफैले खाली गराउनु पर्ने अवस्था आए सो वापत लाग्ने खर्च समेत भराउने जानकारी दिएको छ ।