काठमाडौं
चलचित्र लाज शरणम्ले विश्वभर एकै दिन सबैभन्दा धेरै हलमा प्रर्दशन हुने सिनेमाको रेकर्ड बनाएको छ ।
सेभेन सिज सिनेमाका प्याट्रिक सुवेदीका अनुसार ‘लाज शरणम्’ले ओभरसिज मार्केटमा इतिहासमा धेरै हलमा प्रदर्शन गरेर नयाँ कीर्तिमान कायम गरेको हो ।
“अमेरिका र क्यानडाका ७७ हलहरूमा प्रर्दशन भएको छ । उत्तर अमेरिकामा एकै दिन सबैभन्दा धेरै हल पाउने चलचित्रको रेकर्ड बनाएको छ,” उनले भने ।
अष्ट्रेलियामा ३० स्थानमा ‘लाज शरणम्’ प्रर्दशन भएको थियो । “विश्वभर एकै दिन सबैभन्दा धेरै हलमा प्रर्दशन हुने सिनेमाको रेकर्ड बनाएको छ,” वितरक सुवेदीले भने ।
नेपालमा फेब्रुअरी २६ मा प्रदृशन भएको चलचित्र त्यसको एक दिनपछि मध्यपूर्वका चार देशमा प्रदर्शनमा आएको थियो । मध्यपूर्वका चार देशका ४० सिनेमा घरमा प्रर्दशन भएकोे जानकारी दिए ।
फेब्रुअरी २८ मा अमेरिका, क्यानडा र अष्ट्रेलियामा यो चलचित्र भएको भएको छ ।
‘लाज शरणम्’ मार्च ७ बाट यूकेका सिनेवल्र्ड, भीयूई, शोकेस, सिनेमासमा पनि प्रदर्शन हुँदैछ ।
चलचित्र ‘लाज शरणम्’ नेपालमा बुधबारबाट प्रदर्शनको दोस्रो हप्तामा प्रवेश गरेको छ ।
‘लाज शरणम्’ले पहिलो दिन नेपालमा एक करोड १० लाख रुपैयाँ ग्रसकलेक्सन गरेको निर्माण पक्षले दाबी गरेको छ ।
चलचित्रमा सिताराम कट्टेल, विजय बराल, अर्जुन घिमिरे, सागर लम्साल, हरिष निरौला, महेश त्रिपाठी, अर्पण थापालगायत कलाकार मुख्य भूमिकामा छन् ।
‘लाज शरणम्’लाई कुमार कट्टेलले निर्देशन गरेका छन् ।
जेपीटी क्रिएसनको ब्यानरमा निर्माण भएको चलचित्रमा नवीन श्रेष्ठ निर्माता छन् । राम नरेश शाह र सिर्जना खड्का सहनिर्माता छन् ।
प्रतिक्रिया