आमालाई चरित्रमार्फत परिभाषित गर्दै कलाकार सरिता

चलचित्रमा आमा चाहिएको होइन क्यारेक्टर चाहिएको हो भन्नुभएको थियो । सिनेमामा पनि त्यस्तै छ

काठमाडौं
आमा, सबै जीवहरुको सर्वप्रिय नाम । आमाबिना कुनै पनि जीवको अस्तित्व हुन सक्दैन ।
प्रर्दशनको तयारीमा रहेको चलचित्र कर्मा की कलाकार सरिता गिरी उनै आमाको फरक परिभाषा दिने गरि आमाको चरित्रमा देखिदैछिन् ।
कलाकार गिरी चलचित्र ‘कर्मा’ले आमा चरित्रमा अभिनय गरेपछि उत्साहित छिन् ।
निर्देशक सौरभ चौधरीले आमाको भूमिका निभाउन अफर उनी खुशी थिइन् । सौरभले उनलाई ‘आमा होइन चरित्र चाहिएको छ’ भनेपछि रमाइलो लागेको बताइन् । उनले भनिन्, “चलचित्रमा आमा चाहिएको होइन क्यारेक्टर चाहिएको हो भन्नुभएको थियो । सिनेमामा पनि त्यस्तै छ ।”
चलचित्रहरुमा धेरै आमाको अभिनय गरिसकेकी गिरी चलचित्र ‘कर्मा’मा आफूले गरेको आमाको चरित्र फरक रहेको बताउछिन् ।
‘कर्मा’मा सरिता गिरी विपीन कार्कीको आमाको भूमिकामा छिन् । चलचित्रको टेलरमा अभिनेता विपिन आमालाई सम्झेर रोइरहेको दृश्य छ । यसबाट चलचित्रमा आमाको विषयमा खास कथावस्तु रहेको अनुमान गर्न सकिन्छ ।

चलचित्रमा विपीन र सरितासँगै उपासना सिंह ठकुरी, मुकुन भुसाल, दिब्यदेब, बेन बस्नेत, सुज्यान सिलवाल, अनिल बुढाथोकी, निर्मल शर्मालागायतको पनि अभिनय रहेको छ ।
नयाँ वर्ष २०८२ को छेको पारेर चलचित्र ‘कर्मा’ आगामी चैत २९ गतेदेखि प्रर्दशन सुरु हुँदैछ । नेपाल र विदेशमा यो चलचित्र एकसाथ प्रदर्शन गर्ने निर्माण पक्षको योजना छ ।

एक्सन जनरामा निर्माण भएको ‘कर्मा’ ड्रामा, सस्पेन्स र एक्सन जनरामा निर्माण भएको छ । सिनेमाको कथा निर्देशक चौधरी स्वयंले लेखेका छन् ।
आर्टिस्टिक इनटरटेनमेन्टको प्रस्तुति रहने ‘कर्मा’ मा वसन्त लम्सालको लगानी रहेको छ । आर्टिस्टिक इनटरटेनमेन्टले निर्माण गरेको यो पहिलो सिनेमा हो ।
निर्देशक चौधरीको ‘अगस्त्यः च्याप्टर १’ले दर्शक र समीक्षकको राम्रो प्रतिक्रिया पाएको थियो ।

अर्घाखाँचीका यदुनाथ पौडेललाई जनक शिक्षा सामग्री केन्द्र लिमिटेडको प्रबन्ध सञ्चालकमा नियुक्त गर्न जनक शिक्षा सामग्री केन्द्र लिमिटेडको सञ्चालक समितिलाई निर्देशन दिने तथा सुर्खेतकी पवित्रा सुवेदी र मकवानपुरका रामशरण सापकोटालाई शिक्षक सेवा आयोगको सदस्यमा नियुक्ति गर्ने निर्णय भएको उनले जानकारी दिए ।