चलचित्र ‘ऊनको स्वीटर’को व्यापार १० करोडभन्दा धेरै

काठमाडौं
नेपाली चलचित्र ‘ऊनको स्वीटर’ प्रदर्शनको चौथो हप्तामा प्रवेश गरिरहेको अवस्थामा देशव्यापी रूपमा १० करोड ५ लाख रुपैयाँ व्यापार (ग्रस कलेक्सन) गरेको छ । चलचित्र निर्माण पक्षका अनुसार यो चलचित्रले देशभर १ सयभन्दा धेरै पर्दामा प्रर्दशन भइरहेको छ ।

नवीन चौहानको लेखन तथा निर्देशनमा बनेको चलचित्रले प्रदृशनको पहिलो दिनदेखि नै राम्रो व्यापार गरिरहेको चलचित्र निर्माण कम्पनी आर्टमाण्डू नेपालले जानकारी दिएको छ ।

चलचित्रमा विपिन कार्की, मिरुना मगर, परीक्षा लिम्बु, एलेक्स पारस, विल्सन विक्रम राई, सुरज तमु, भावना खपाङ्गी मगर र सुनिल पोखरेलको अभिनय रहेको छ । समीक्षक प्रशंसा र सकारात्मक समीक्षासँगै दर्शकको पनि उत्कृष्ट प्रतिकृया पाइरहेको सुन्न सकिन्छ ।
चलचित्रको निर्माण पक्षले अहिलेसम्म ओभरसिज कलेक्सन सार्वजनिक गरिएको छैन । तर विदेशमा पनि चलचित्रले लगातार राम्रो प्रदर्शन गरिरहेको बुझिएको छ ।
देशकै ठुलो मल्टिप्लेक्स चेन क्युएफएक्स सिनेमाजले व्यापारको आधारमा यो चलचित्रलाई सुपरहिटको ट्याग दिएको छ ।