भारतमा कोरोनाको संक्रमण तीव्र, अहिलेसम्म २८ जनाको निधन

नयाँ दिल्ली
भारतमा कोरोनाको संक्रमण तीव्र गतिमा बढिरहेको छ ।

भारतको स्वास्थ्य मन्त्रालयका अनुसार हाल सक्रिय केसहरूको संख्या ३ हजार ७ सय ८३ पुगेको छ । जसमा केरलामा सबैभन्दा बढी १ हजार ४ सय केसहरू रहेको उल्लेख छ । त्यस्तै महाराष्ट्रमा ४ सय ८५ र दिल्लीमा ४३६ सक्रिय केसहरू छन् । पछिल्लो ४८ घण्टामा एक हजार भन्दा बढी नयाँ केसहरू रिपोर्ट गरिएका छन् ।

स्वास्थ्य विभागका अनुसार जनवरीदेखि अहिलेसम्म कोरोनाका कारण २८ जनाको निधन भएको छ । यी मध्ये पछिल्लो २ दिनमा २१ जनाको मृत्यु भएको छ ।

पछिल्लो दुई दिनमा मृत्यु हुनेमा महाराष्ट्र र केरलमा ७(७ जना रहेका छन् भने कर्नाटकमा ४, दिल्लीमा ३, उत्तर प्रदेशमा २ जनाको मृत्यु भएको छ । त्यस्तै मध्य प्रदेश, पञ्जाव, राजस्थान, तमिलनाडु र गुजरातमा एक एक जनाको मृत्यु भएको भारतीय स्वास्थ्य मन्त्रालयले जनाएको छ ।

राज्य सरकारहरुले कोरोनाको संक्रमण बढिरहेकाले मानिसहरूलाई भीडभाड भएका ठाउँहरूमा मास्क लगाउन, शारीरिक दूरी कायम राख्न र सरसफाइमा विशेष ध्यान दिन अपील गरेको छ ।त्यस्तै ज्वरो, खोकी, छाती दुख्ने वा सास फेर्न गाह्रो भएमा तुरुन्तै परीक्षण गर्न भनिएको छ ।