चलचित्र ‘कल्ली’को पोस्टरमा सौगात मल्ल बाघसँग

पछिल्लो समय चलचित्र चलाउनका लागि अनौठा प्रचार सामाग्री पोस्टर बन्न सुरु भएको छ ।
चलचित्रप्रति दर्शकको रुचि बढाउन चरित्र र कथासँग मेल खाने पोस्टर सार्वजनिक भइरहेको छन् ।
रिसाहा अवतारमा अभिनेता सौगात मल्लले रगत लत्पतिएको भाला हातमा लिएका छन् । बाघसँग देखिएका उनी सम्भवतः बाघसँग लडाई गरेका हुन् ।
अर्को एक पोष्टरमा सौगातको साथमा नायिका बेनिशा हमाल, नायक उत्तम प्रधान, नाजिर हुसेन, कलाकार अर्पण थापा र सुलक्षण भारतीलाई देख्न सकिन्छ । यो पोष्टरले फिल्मका अधिकांश पात्रहरुको चरित्र बोल्न खोजेको छ ।
चलचित्रमा उत्तम प्रधान, सौगात मल्ल, बेनिशा हमाल, सुलक्षण भारती, नािजर हुसेन, वर्षा राउत, बेगम नेपाली, विनोद न्यौपाने, रेयर राई, प्रियना आचार्य, अर्जुन गुरुङ, सन्जोक राणा, गीता अधिकारी, कुल बहादुर अधिकारी र श्याम मगरको मुख्य भूमिका छ । यस्तै, फिल्ममा उपेश ढकाल, मञ्जिला बाँनिया र समर्पण खतिवडा बाल–कलाकारको रुपमा छन् ।

किरण नेपालीको प्रस्तुतिमा तयार भएको यो फिल्म अब फागुनको १ गतेबाट रिलिजमा आउने भएको छ ।

महेश दवाडीको लेखन रहेको यो चलचित्रमा लक्ष्मण सुनारको कथा र निर्देशन तयार हुँदैछ ।

लक्ष्मण सुनारले निर्देशन गरेको चलचित्र‘बुलाकी’ लक्ष्मण चर्चामा आएको थियो ।