पोस्टरमा बुकी फूल अनि भलिबल खेल्नेको लस्कर

प्रचार सामाग्रीको रुपमा सार्वजनिक हुने हरेक पोस्टरमा केही विशेष हुन्छ । कतिपय पोस्टरले चलचित्रको पुरै कथाको प्रतिनिधित्व गर्छन् ।
निर्माणको क्रममा रहेको चलचित्र ‘बुकी’को पोष्टरमा झपक्क बुकी फुल फूलेको छ । यहाँ लेकको चौर अनि कुहिरोले डम्म ढाकेको मौसममा एक हुल मान्छे भलिबल खेलिरहेका छन् ।

चलचित्रले पहाडी गाँउको कथा भन्ने संकेत गरेको छ । लाग्छ, चलचित्रले खेलकुद तथा प्रकृतिबिचको सम्बन्धको कथा भन्ने छ ।

बुकी फूल हिमाली क्षेत्रका पाटनमा वर्षाको समयमा फुल्ने गर्छ । स्थानीय बासिन्दाले हिमाली क्षेत्रका पाटनलाई बुकी भन्ने हुँदा त्यहाँ फुल्ने फूललाई बुकी फूल भन्ने गरिएको हो । यो

भलिबलको नेट र कोर्टसमेत रहेकाले सायद उनीहरू महिला टुर्नामेन्टका लागि तयारी गरिरहेका छन कि ! तर, निर्माण पक्षले प्रष्ट भने पारेको छैन ।

चलचित्रको कार्यकारी निर्मातामा प्रकाश आले र राजन केसी छन् । निर्मातमा लक्ष्मण सापकोटा, अमिशा काउचा थापा, रमेश थापा लगायत छन् ।

कलाकारमा सुरक्षा पन्त, देबेन्द्र बब्लु, रोशनी कार्की, प्रकाश घिमिरे, लक्ष्मीनाथ तिमलसिना, गानु जोशी, अनु दाहाल, सन्दिप बाबु लोहनी, निशा बजगाईं लगायत छन् ।

चलचित्रको एशोसिएट डिरेक्टरमा आशुका अर्याल, चिफ असिस्टेन्ट डिरेक्टरमा आचार्य गोपाल छन् । विकास गन्दर्भको डीओपी रहेको चलचित्रमा भुपेन्द्र अधिकारीको सम्पादन छ ।

चलचित्रको सहायक निर्देशकहरुमा टाईग्रिस, निशा दाहाल, उज्वल अधिकारी, कलर मनोरञ्जन श्रेष्ठ रहेका छन् । चलचित्र ‘बुकी’को छायाकंन काठमाडौ, पोखरा, बाग्लुगंको ढोरपाटन लगायतका क्षेत्रमा गरिएको हो । प्रदर्शन मिति तय नभएको यो चलचित्रलाई २०२६ भित्र प्रर्दशन गर्ने निर्माण पक्षले लिएको छ ।