ललितपुरमा तिहारको देउसी भैलो ९ बजेसम्म मात्र खेल्न प्रशासनको उर्दी

ललितपुर जिल्लाभर तिहारको देउसी भैलो साँझ ९ बजेसम्म मात्रै खेल्न प्रशासनले उर्दी जारी गरेको छ ।
जिल्ला प्रशासन कार्यालयले सूचना जारी गर्दै अधिकतम ९ बजेसम्म मात्रै देउसी भैलो खेल्न भनेको हो ।
सहायक प्रमुख जिल्ला अधिकारी गिता घिमिरेको हस्ताक्षर रहेको सूचनामा अन्यथा भएको खण्डमा प्रशासनलाई खबर गर्न नम्बर समेत जारी गरिएको छ ।
साथै दिपावलीमा मैनबत्ती र विजुलीको प्रयोग गर्दा सावधानी अपनाउन,पटका भूईचम्पालगायत विस्पोटक पर्दाथ खरिदबिक्रि गर्न,अत्यावश्यक वस्तूको कालोबजारी नगर्न,मापासे गरेर सवारी नचलाउन, जुवातास नखेल्न र धार्मिक एवं सास्कृतिक र सामाजिक सद्भाव खलल पुग्ने काम नगर्न सबैमा प्रशासनले अनुरोध गरेको छ ।