फागुन महिनाभर पाँच चलचित्रको भिडन्त

ललितखबर
यही फागुन २१ गते देशभर प्रतिनिधिसभा सदस्यको निर्वाचन हुँदैछ । देशभरका जनता नेता छान्ने बहसमा छन् ।
यस्तो बेला नेपाली चलचित्रको बजार भने सुस्ताएको छ । प्रर्दशनरत चलचित्रको व्यापार सुखद नभइरहेको अवस्थामा आजबाट तीन चलचित्रहरुको प्रर्दशन सुरु भएको छ ।
आज शुक्रबार विगुल, श्री बुकुरो र शिंवाश प्रर्दशन भएका हुन् । रमेश कोइरालाको निर्देशनमा बनेको चलचित्र विगुलमा निर शाह सरोज खनाल र वेनिशा हमाललगायत कलाकारहरुको अभिनय रहेको छ । राजनीतिक कथाबस्तु रहेको यस चलचित्रमा देशको पछिल्लो अवस्था चित्रण गरेको ट्रेलर हेरेपछि बुझ्न सकिन्छ ।
आजै प्रर्दशन सुरु भएको चलचित्र श्री बुकुरो पारिवारिक विषयबस्तु समेटिएको चलचित्र हो । यस चलचित्रको निर्देशन सुदिपभुपाल सिंहको रहेको छ । निकिता आचार्य, लक्ष्मी गिरी र आर्शिवाद क्षेत्रीलगायत कलाकारको अभिनय रहेको यस चलचित्रमा पश्चिम नेपालको झल्को दिन्छ ।
आजदेखि धार्मिक कथामिश्रित चलचित्र शिवांश पनि प्रर्दशन सुरु भएको छ । धर्मको आडमा समाजमा हुने गरेको अपराधलाई निर्देशक निर्देशक सन्तोषकुमार आत्रयले झल्काएका छन् । चलचित्रमा प्रविण खतिवडा र तेज गिरीलगायतको अभिनय रहेको छ ।
फागुनको दोश्रो साता कुनै नयाँ चलचित्र प्रर्दशनको तयारी छैन । तेश्रो साता १५ गते शुक्रबार भने प्रवासी जीवन प्रर्वशन हुने तरखरमा छ । चलचित्रमा श्याम क्षेत्री र राम अधिकारीको निर्देशन रहेको छ । महानायक श्याम क्षेत्री ,सरिता लामिछाने र राजेश हमालको समेत अभिनय रहेको चलचित्रमा मनोरोगको कथामा बनाइएको छ ।

निर्वाचन र मतपरिणामको अविधि हरेकाले फागुनको चौथो साता कुनै चलचित्र प्रर्दशन हुनेछैन । अन्तिम साता २७ गते भने चलचित्र निर्देशक रोशन मिराजको चलचित्र लालिमा प्रर्दशन हुनेछ । यौन विषयवस्तुमा निर्माण गरिएको यस चलचित्रमा रोशनी कार्की केन्द्रमा रहेकी छिन् ।