पत्रकार महासंघ ललितपुरमा सागरसहित प्यानल विजयी

ललितपुर खबर
२५ चैत ०७७, ललितपुर । पत्रकार महासंघ ललितपुरमा सागर न्यौपाने प्यानल सहित विजयी भएको छन् । महासंघ जिल्ला शाखा ललितपुरले सार्वजनिक गरेको अन्तिम मत परिणाम अनुसार विपुल पोखरेलको प्यानलमा रहेका सागर न्यौपानेले कुल २ सय ६७ ल्याएर विजय हासिल गरेका हुन् ।
पत्रकार महासंघ ललितपुरको निर्वाचन आयोगले सार्वजनिक गरेको मत परिणाम अनुसार निकटतम् प्रतिद्वन्द्वी निर्मला शर्मा प्यानलका वालमुकुन्द आचार्यले ६६ मत पाएका छन् भने श्रृजना तिम्सिनाले ४२ मत पाएकी छिन् ।
जिल्लामा ४ सय ५४ मतदातामध्ये आज भएको निर्वाचनमा ३ सय ८३ मत खसेको निर्वाचन आयोगले जानकारी दिएको छ ।