नेपाली कांग्रेस देशभरका ३ सय ११ पालिकामा विजयी

८ जेठ ०७९, काठमाडौं । नेपाली काँग्रेसका उम्मेदवारहरु देशभरका ३ सय ११ वटाको प्रमुख तथा अध्यक्षमा विजयी भएका छन् ।
स्थानीय तह निर्वाचनमा ७०३ पालिकाको मतगणना सम्पन्न हुँदा नेपाली कांग्रेसले नेकपा एमालेकोभन्दा १२१ बढी पालिकमा जित निकालेको हो ।
निर्वाचन आयोगका अनुसार हालसम्म मतगणना सकिएका पालिकामध्ये नेकपा एमालेले हालसम्म १९० वटा पाकिलाको प्रमुख तथा अध्यक्ष पदमा विजयी भएको छ ।
मतगणना भइरहेका पालिकामध्ये १५ वटाको प्रमुख तथा अध्यक्षमा कांग्रेसका उम्मेदवारले अग्रता लिइरहेका छन् ।
निर्वाचन आयोगले गत वैशाख ३० गते एकसाथ देशका सबै ७ सय ५३ वटा पालिकामा निर्वाचन गरेको थियो ।