१२ मंसिर ०७९, काठमाडौं । दोलखामा रद्द भएका दश मतदान केन्द्री मंसिर १५ गते बिहीबार पुनः निर्वाचन हुने भएको छ । जिल्ला निर्वाचन व्यवस्थापन समितिको आज बिहान बसेको बैठकले १५ गते निर्वाचन गराउने निर्णय गरेको हो ।
मुख्य निर्वाचन अधिकृत डिल्लीरत्न श्रेष्ठले निर्वाचनको पूर्वतयारीसमेत गर्नुपर्ने भएकाले मंसिर १५ गते पुनः मतदान गराउने निर्णय भएको जानकारी दिए । बैत्यश्वरको वडा नं. ६ को क,ख,ग केन्द्र, वैत्यश्वरको ३ कालिढुङ्गाको पनि क,ख,ग केन्द्रमा पुन निर्वाचन हुन लागेको हो ।
त्यस्तै बैत्यश्वर २ को जनज्योति विद्यालयको क र ख तथा तामाकोसीको हेल्थपोस्ट केन्द्रको क र ख केन्द्रको निर्वाचनपनि सोही दिन हुनेछ । निर्वाचन आयोगले हिजो निर्वाचन रद्द गर्दै मंसिर १५ चित्र चुनाव गराउन निर्देशन दिएको थियो । मंसिर चार गते भएको निर्वाचनका क्रममा १० वटा केन्द्रमा धाँदली भएको निष्कर्ष निर्वाचन आयोगले निकालेपछि ती केन्द्रहरुमा पुनः मतदान गराउन लागिएको हो ।
निर्वाचन आयोगको स्थलगत टोलीको सिफारिस अनुसार ति स्थानमा पुन निर्वाचन गर्न लागिएको हो ।
प्रतिक्रिया