गोदावरीकी उपमेयर अधिकारीले धरान पुगेर बोकिन् ढुंगा

ललितपुर
२३ फागुन ।गोदावरीकी उपमेयर मुना अधिकारीले धरान पुगेर पानी ट्यांकी निर्माणका लागि श्रमदान गरेकी छिन् । धरानका मेयर हर्क साङपाङ राईले गोदावरी नगरपालिकाकी उपमेयर अधिकारी र गोदावरी ३ गोदावरीका वडाध्यक्ष सानुराजा(राज) घिमिरेलाई ढुंगा बोकाएको भिडियो सार्वजनिक गरेका छन् ।
उनले उपमेयर अधिकारीलाई ढुंगा दिदै गरेको भिडियो देखिन्छ । भिडियोमा मेयर साङपाङ राईले गीत पनि गाएका छन् । उनले भनेका छन्, ‘ढुंगा नबोकी यो देश बन्दैन ।’ आफूहरु धरानमा धन्यवाद पानी ट्यांकी निर्माणका लागि ढुंगा बोकेको उल्येख गरेका छन् ।
उपमेयर अधिकारीको केही समयअघि ढुंगा बोकेको तस्विर सार्वजनिक भएको थियो । तस्विर सार्वजनिक भएसँगै श्रमदान नगरेको र तस्विर मात्रै खिचेर फर्केको भन्दै सामाजिक सञ्जालमा टिप्पणीहरु आएका थिए ।
मेयर साङपाङ राईले धरानमा श्रमदान अभियान चलाएर विभिन्न योजना अघि बढाएका छन् । उनले धरान आउने जनप्रतिनिधिहरुलाई जनश्रमदानमा सघाउन अनुरोध गरेका छन् । भने देशका उच्च पदस्थ अधिकारीहरुलाई जनश्रमदान गर्न धरान आउन अनुरोध गर्ने गरेका छन् । उपमेयर अधिकारी दोश्रो कार्यकालका लागि गत स्थानीय निर्वाचनमा उपमेयरमा निर्वाचित भएकी थिइन् । वडाध्यक्ष घिमिरे भने पहिलोपल्ट वडाध्यक्षमा विजयी भएका हुन् । उनी लुट चलचित्रका नायकको रुपमा अभियन समेत गरेका छन् र

सार्वजनिक भिडियो :