एमाले अध्यक्ष केपी शर्मा ओलीले सडकमा मकै खाएको तस्विर सामाजिक सञ्जालमा चर्चा

काठमाडौं
२६ फागुन । शुक्रबार एमाले अध्यक्ष केपी शर्मा ओलीले सडकमा मकै खाएको तस्विर सामाजिक सञ्जालमा दिनभर चर्चाको विषय बनेको छ ।
ओलीले आज सामाजिक सञ्जाल फेसबुकमा पार्टी कार्यालय च्यासल ललितपुरबाट बालकोट घर फर्कदै गर्दा बाटोमा ठेलामा मकै खाएको तस्विर शेयर गरेका थिए ।
उनको तस्विर शेयर गर्दै कार्यकर्ताले प्रशंसा गरेका छन् । उनको तस्विर धरानका मेयर हर्क साङपङ राईले समेत शेयर गर्दै आफ्नो भिजनमा सबै नेता आउने दावी गरेका छन् । सामाजिक सञ्जालमा काठमाडौं महानगरका मेयर बालेन शाहले ठेलगाडा उठाएको प्रसंग जोडेर धेरैले टिप्पणी गरेका छन् ।
सधै ख्यालठट्टा गर्न रुचाउने अध्यक्ष ओली वालवालिकासँग खेल्न र रमाइलो गर्न रुचाउछन् । उनले बेला बेलामा चेस खेलेको,व्यटमिन्टन खेलेको तस्विर शेयर गर्ने गरेका छन् ।

अध्यक्ष ओलिले मकै खाँदा सडकमा भीड बढेको थियो । उनीसँग सेल्फी खेच्नेहरु पनि उत्तिकै देखिन्थे । ओलिका साथमा सुरक्षाकर्मी समेत सँगै गएको तस्विरमा देख्न सकिन्छ ।
एमाले अध्यक्ष ओलिले लेखेको स्टाटस :
पार्टी कार्यालयबाट घर फर्कंदै थिएँ, बाटोमा स्कूल छुटेर फर्किंदै गरेका नानीबाबूहरूसँग रमाइलो भेट गर्ने अवसर मिल्यो। नजिकै एकजना बहिनी मकै पोलेर बेचिरहनु भएको रैछ, पोलेको मकै खाएँ । एकदम मज्जा लाग्यो।