दक्षिण ललितपुरमा राहत लिएर हेलिकप्टर उड्यो

लपु संवाददाता
३० असार ०७६, ललितपुर । भारी वर्षाका कारण दक्षिण ललितपुरको स्थलमार्ग अवरुद्ध भएपछि सासंद नवराज सिलवालले राहत बाड्न हेलिकप्टर पठाएका छन् । आज साँझ ५ बजे त्रिभुवन अन्र्तराष्ट्रिय विमानस्थलबाट वागमती गाँउपालिका ७ का वडाध्यक्ष नवराज सञ्जेल त्रिपाल र व्याङ्गकेट बोकेर गोटिखेलतर्फ उडेका हुन् । हेलिकप्टर सामान बोकर प्युटार पनि जानेछ ।
सासंद नवराज सिलवालले गोटिखेलका लागि २५ वटा कम्मल र २५ वटा त्रिपाल पठाइएको पुष्टि गरे । उनले भने,‘त्यतिकै मात्रामा कम्मल र त्रिपाल प्युटार पनि पठाइएको छ ।’

गोटिखेलका लागि पठाइएको सामान मानिखेलमा हेलिकप्टरले झरेको सिलवालका नीजि सचिव राजेन्द्र न्योपानेले जानकारी दिए । उने भने,‘प्युटारमा पठाइएको सामान पुगेको नपुगेको टेलिफोन सेवा अवरुद्ध भएका कारण जानकारी आइसकेको छैन । पुग्यो होला ।’