१० असार २०८१, आइतबार | Sun Jun 23 2024

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

समाचार


बेलायतका तत्कालीन प्रधानमन्त्री जन्मिएको घरको सुनको शौचालय चोरी


२९ भाद्र २०७६, आइतबार  

0
Shares

लण्डन । बेलायतका तत्कालीन चर्चित नेता विन्स्टन चर्चिलको जन्म घरमा रहेको १८ क्यारेट सुनको शौचालय शनिबार बिहान चोरी भएको छ । शनिबार बिहान ४ः५० मिनेटमा शौचालय चोरी भएकोमा प्रहरीले ४ः५७ मा खबर पाएको थियो । चर्चिलको जन्म घरलाई ब्लेनहिम प्यालेस भन्ने गरिएको छ । थेम्स प्रहरीका अनुसार सो शौचालय नपाइएपनि एक जना ६६ वर्षिय मानिसलाई सो प्रकरणमा संलग्नताको आशंकामा पक्राउ गरिएको बीबीसीले जनाएको छ ।

सो शौचालयको मूल्य १० लाख पाउण्ड भएको जनाइएको छ । उक्त शौचालय चोरेर लग्न दुई वटा गाडी प्रयोग गरिएको हुन सक्ने प्रहरीले अनुमान गरेको छ ।  १८ औं शताब्दीको सो दरबार बेलायतका चर्चित युद्धकालीन नेता चर्चिलको घर हो । सो घर विश्व सम्पदा सूचीमा समेत सूचीकृत रहेको छ ।

अहिले अनुसन्धान जारी रहेको प्रहरीले जनाएको छ । ब्लेनहिम प्यालेसले ट्विट गर्दै अहिलेलाई सो प्यालेस बन्द रहे पनि आइतबार खुल्ने जनाएको छ । सो सुनको शौचालय सन् २०१७मा अमेरिकी राष्ट्रपति डोनाल्ड ट्रम्पलाई प्रस्ताव गरिएको थियो । पक्राउ परेको व्यक्ति प्रहरीको हिरासतमा रहेको जनाइएको छ । शौचालय हराएको भवन लण्डनबाट १०५ किमी पश्चिम अक्सफोर्डसायरमा रहेको छ । (बीबीसी तथा एजेन्सी)

प्रकाशित मिति : २९ भाद्र २०७६, आइतबार  ७ : ३६ बजे