११ असार २०८१, सोमबार | Mon Jun 24 2024

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Uncategorized


महानगरीय प्रहरी वृत्त जगातीद्वारा एक जना बस चालक सम्मानित


१४ माघ २०७६, मंगलबार  

0
Shares

१४ माघ ०७६,भक्तपुर । महानगरीय प्रहरी वृत्त जगातीद्वारा एक जना इमान्दार बस चालक सम्मानित भएका छन् । भक्तपुरको च्यामासिंह–रत्नपार्क रुटमा चल्ने बा.३ ख ४९०२ बस चलाउने सिन्धुपाल्चोक जुगल गाउँपालिका ४ घर भएका सूर्य श्रेष्ठलाई  आज मंगलबार कार्यालयमा सम्मान गरेको हो ।

त्यस्तै गत  माघ १२ गते राती श्रेष्ठले चलाएको बस पाकिङ्ग गर्ने समयमा सहचालकले पछिल्लो सिटमा एउटा झोला भेटे । त्यसपछि श्रेष्ठले झोला खोलेर हेर्दा महत्वपूर्ण कागजपत्र देखे । उनले झोलाका सम्बन्धित व्यक्तिको नाम र मोवाईल नम्बर भएको देखेपछि फोन गरे ।

झोला धनी थिए टंक खनाल । जो केही समययता अमेरिकामा बसोबास गर्दै आइरेहका छन् । १३ गते हिजो छोराहरुको ब्रतबन्ध गर्न उनी नेपाल आएका उनका ज्वाई सीताराम खतिवडाले जानकारी दिनुभयो ।

चालक श्रेष्ठलाई त्यतिबेलासम्म झोलामा नगद रुपैयाँ थियो भन्ने पनि थाहा थिएन । जब खनालले झोलामा नगद १ लाख ४७ हजार ७५ रुपैया भएको बताए ।

त्यसपछि उनीहरु महानगरीय प्रहरी वृत्तको कार्यालय जगाती पुगे । प्रहरीले केही समयपछि झोला छुटेको गाडी अर्कै भएको पत्ता लगायो । अर्को बस थियो बा ३ ख २१४७, जसमा खनाल भक्तपुरको गट्ठाघरबाट चढेर नेपाल एयरलाइन्सको कार्यालय आगाडि झरे ।

प्रहरीले सोमबार खनालको झोला छुटेको बा ३ ख २१४७ बसको चालक र सहचालकलाई नियन्त्रणमा लियो । त्यसपछि झोला छुटेको बसका चालकले प्रहरीसमक्ष आफुले पैसा झिकेर झोलासूर्य श्रेष्ठको गाडीमा छोडेको बयान दिएका थिए ।

वृत्तका प्रमुख प्रहरी नायव उपरिक्षक चक्रराज जोशीका अनुसार झोला छुटेको बसका चालकले साे रकमबाट १५ हजारको मोवाइल किनेको र ५ हजार अन्य खर्च गरेको पाइएको छ । झोला देखेर खबर गर्ने चालक श्रेष्ठलाई प्रहरीले सम्मान गरेको छ । झोला हराउने खनालका तर्फबाट उनका ज्वाई खतिवडाले नगद ५ हजारसहित सम्मान गरेका छन् ।

प्रकाशित मिति : १४ माघ २०७६, मंगलबार  २ : ५६ बजे