ललितपुरमा ५० सहित उपत्यकामा थप २३३ जनामा कोरोना संक्रमण(ग्राफमा हेर्नुहोस्)

२२ पुस ०७७, ललितपुर । ललितपुरमा ५० सहित काठमाडौं उपत्यकामा थप २३३ जनामा कोरोना भाइरसको संक्रमण पुष्टि भएको छ।

स्वास्थ्य मन्त्रालयका अनुसार काठमाडौँमा १५९, भक्तपुरमा २४ र ललितपुरमा ५० जना कोरोना संक्रमित थपिएका छन्।

मन्त्रालयका अनुसार हाल देशभर १९७ जना कोरोना संक्रमितको आईसीयुमा र ३० जनाको भेन्टिलेटरमा उपचार भइरहेको छ।

बुधबार नेपालमा थप ४०९ जना कोरोना भाइरस संक्रमित थपिएका छन् । योसँगै कोरोना संक्रमितको संख्या २ लाख ६३ हजार १९३ पुगेको छ । हाल कोरोना भाइरस सक्रिय संक्रमितको संख्या ५ हजार १३३ रहेको छ । पछिल्लो २४ घण्टामा थप ४९५ जना कोरोना संक्रमणमुक्त भएका छन् । योसँगै नेपालमा कोरोना संक्रमण भएर निको हुनेको संख्या हालसम्म २ लाख ५६ हजार १६१ पुगेको छ ।
पछिल्लो २४ घण्टामा थप ६ जनाको कोरोना भाइरसको संक्रमणका कारण मृत्यु भएको मन्त्रालयले पुष्टि गरेको छ । योसँगै नेपालमा कोरोनाले मृत्यु हुनेको संख्या १८९९ पुगेको छ ।

हेर्नुहोस्