काठमाडौंको मुलपानीमा भीषण आगलागी, ४ करोडको क्षति

५ पुस ०७८, काठमाडौं । काठमाडौंको मुलपानीको एक रंग पसलमा भिषण आगलागी हुँदा ४ करोड बराबरको क्षति भएको छ ।
प्रहरीका अनुसार कागेश्वरी मनोहरा नगरपालिका ७ मुलपानी पिपलबोटस्थित युबराज केसीको रङ पसलमा सोमबार बिहान विद्युत सर्ट भई आगलागी हुँदा पसल पूर्ण रुपमा जलेर करिब ४ करोड रुपैयाँ बराबरको धनमाल नष्ट भएको हो ।
आगलागी भएको सुचना पाएलगत्तै महानगरीय प्रहरी वृत्त बौद्धबाट खटिएको प्रहरीले दमकल र स्थानीयवासीको सहयोगमा आगलागी नियन्त्रणमा लिएको थियो । प्रहरीले आगलागीका समबन्धमा थप अनुसन्धान गरिरहेको जानकारी दिएको छ ।