मनोहरा गागल फेदीस्थित सडक छेउमा महिला मृत फेला

१२ पुस ०७८, काठमाडौं । काठमाडौं कागेश्वरी मनोहरा नगरपालिका वडा नम्बर १ गागल फेदीस्थित सडक छेउमा एक महिला मृत फेला परेकी छन् ।
सोमबार बिहान महिला मृत फेला परेको महानगरीय प्रहरी परिसर काठमाडौंले जनाएको छ ।
मृत फेला पर्नेमा ३३ वर्षीया धनमाया लामा हुन् । लामा त्यही ठाउँकी स्थानीय हुन् ।
स्थानीयले बिहान उनको शव देखेपछि प्रहरीलाई खबर गरेका थिए ।

तालिम प्राप्त कुकुर, चिकित्सकसहितको टोली घटनास्थलमा पुगेको छ ।
प्रहरीले थप अनुसन्धान अघि बढाएको बताएको छ ।

शवको पोष्टमार्टम गर्न महाराजगञ्जस्थित टिचिङ अस्पताल ल्याइँदैछ ।