ललितपुर वागमतीका एमाले उम्मेदवार नवराजले दिए आफैलाई हराउने लोप्चनलाई अंगालो हालेर बधाई

ललितपुर खबर
४ जेठ ०७९, ललितपुर । दक्षिण ललितपुरको वागमती गाँउपालिकाका नेकपा एमालेका उम्मेदवार नवराज सञ्जेलले आफूलाई पराजित गर्ने गठबन्धनका उम्मेदवार विरबहादुर लोप्चनलाई अंगालो हालेर बधाई दिएका छन् ।
ललितपुरको भट्टेडाँडामा बुधबार विहान मतगणनाको नतिजा सार्वजनिक भएलगत्तै उममेदवार सञ्जेलले बधाई दिएका हुन् ।
उनले आफू गाँउपालिकाको अध्यक्षमा पराजित भएपछि सामाजिक सञ्जालमा निर्वाचन एक निरन्तर चल्ने प्रकिया भएको र मैदानमा उत्रिएपछि जित हार हुने निश्चित नै प्रतिकृया दिएका छन् ।
निर्वाचनमा बागमतीबासीको अपार माया र प्रेम पाएको बताउदै उम्मेदवार सञ्जेलले उत्साहजनक मत पाएको र आगामी ५ बर्ष हामी यही मतको कदर गर्दै सम्पूर्ण जनतालाई सक्दो सेवा पु¥याउने बताएका छन् ।
उम्मेदवार सञ्जेलले वागमती ७ गिम्दीबाट विजय प्राप्त गर्ने होमप्रसाद बजगाईलाई पनि अंगालो हालेरै बधाई दिदै खुशी साटेका थिए ।