बज्रवाराही मन्दिरमा पैसा नहुँदा बर्षैदेखि दैनिक पुजा बन्द

ललितपुर खबर, चापागाँउ
२५ पुस । राजधानीका सबै प्रसिद्ध मन्दिरमा दैनिक पुजा आराधना हुन्छ । मन्दिरमा पुजारी राखिन्छ अनि मन्दिरको रेखदेख गरिन्छ । कतिपय ठाँउमा नयाँ मन्दिर बनाएर पुजाआजा सुरु गर्ने अनि मन्दिरमा विभिन्न संरचना बनाएर तीर्थस्थलको रुपमा विकास गरिएको पाइन्छ ।
तर ललितपुर चापागाँउ बज्रवाराही मान्दिरमा बर्षैदेखि दैनिक पुजाआजा रोकिएको छ । मन्दिरको पुजारी नभएर होइन । मन्दिरमा सरजाम किन्ने पैसा नहुँदा ।

जुन दैनिक पुजा (नित्य) पुजारीले गर्नुपर्ने हुन्छ । यो पुजा दिक्षा दिएको पुजारीले गर्ने चलन मल्ल कालदेखि चलिआएको थियो । जुन दैनिक पुजा (नित्य) पुजारीले गर्नुपर्ने हुन्छ । यो पुजा दिक्षा दिएको पुजारीले गर्ने चलन मल्ल कालदेखि चलिआएको थियो ।
आइतबार बज्रवाराही मन्दिपरिसरमा पुजारी समेत रहेका बासुदेव कर्मचार्य निरिह हुँदै भन्दै थिए, ‘जमाना महँगो छ । एउटा माला किन्न एक सय रुपैयाँ पर्छ । घरबाट लगेर कति दिन पुजा गर्ने ।’
कर्माचार्य वालक छर्दा उनका वावु वावुलाल कर्माचार्यले दैनिक पुजा गर्थे । ‘सरकारले भुमिसुधार ल्यायो बज्रवाराही मन्दिरको नाममा रहेको ७ रोपनी गुठीको जग्गा जसको जोत उसको पोत लाग्यो । जग्गा सकियो । दैनिक पुजा रोकियो ।’ कर्माचार्य भन्छन् । सो जग्गा चापागाँउका भक्तजनले दैनिक पुजाका लागि मन्दिरको नाममा दिएका थिए ।
मन्दिरमा दैनिक पुजा संचालनका लागि कर्माचार्य अहिले जुर्मुराएका छन् । उनकै अध्यक्षतामा सप्ताहव्यापी श्रीमद् भागवत महायज्ञ पुराण लगाएर भेटि संकलन गरि अक्षयकोष निर्माण गर्ने र दैनिक पुजा सञ्चालन गर्ने कार्यक्रम अनुरुप बज्रवाराहीमा आइतबार छलफल आयोजना गरिएको थियो ।
गोदावरी नगरपालिकाका मेयर गजेन्द्र महर्जनले दैनिक पुजा सञ्चालनको ग्यारेन्टी भए नगरपालिकाले बजेट निकाशा गर्ने बताए । उनले भने, ‘कर्माचार्य परिवारले दैनिक पूजा गर्ने परम्परा छ । यो यो परिवारले पुस्तौ पुस्ता पुजा चलाउन सक्छ ?’ उनको प्रश्न थियो ।
पुजारी कर्माचार्यले बजेट र थिती बसाल्न सके पुजा नरोकिने बचन दिए । उनले भने, ‘यो परम्परा र मल्लकालीन ऐतिकासिक सम्पदा जोगाउनु जरुरी छ ।’ मन्दिरको पुजारी कर्माचार्य परिवार नै रहने चलन छ । नेपाल संम्बत ७ सयको शताव्दीमा राजदेव मल्लले भक्तपुरबाट चापागाँउमा आएर राज्य गर्दा कर्मार्चाय परिवार यहाँ आएर बसेको इतिहासमा उल्येख छ ।
बज्रवाराही मन्दिर परिसरको व्यवस्थापन ज्योतिदय संघले गरिरहेको छ । यहाँ सिजनमा पिकनिकको स्टल भाडामा दिएर पैसा संघले नै उठाउने गरेको छ भने पार्किङको शुल्क पनि उसैले उठाइरहेको छ । मन्दिर र जंगल वरपरमा संघले नै सरसफाई गरिरहेको छ ।
मन्दिरमा विभिन्न कम्पनीको विज्ञापन गर्न दिएर पैसा उठाएको, मन्दिर परिसरमा फोहोर भएको र जथाभावी रुख काट्दा समेत वास्ता नगरेको भन्दै केही स्थानीय बासिन्दाले व्यवस्थापन राम्रो नभएको भन्दै विरोध गर्ने गरेका छन् ।