देविचौरका प्रेमप्रसाद दम्पतीले गरे ५० लाखभन्दा धेरै सम्पती विद्यालयलाई दान

चापागाँउ
२९ पुस । दक्षिण ललितपुरको देविचौरमा सञ्चालित देवि माध्यामिक विद्यालयलाई स्थानीय दानविरले १ रोपनी जग्गा दान गरेका छन् ।
विद्यालय नजिकै घर भएका स्थानीय प्रेमप्रसाद घिमिरे र प्रेमकुमारी घिमिरेले ४८ लाख बराबरको एक रोपनी जग्गा र ३ लाख ७५ हजार नगद दान गरेका छन् ।
यस स्थानमा प्राविधिक विद्यालय सञ्चालनका लागि सञ्चालित श्रीमद्भागवत सप्ताह ज्ञान महायज्ञमा उनीहरुले भूमि तथा द्रव्यदान गरेपछि बाजाजागा र अविरजात्रा गरेर गाँउ घुमाइएको थियो ।
विद्यालयका लागि ठाँउअभावसँगै कृषितर्फ प्राविधिक शिक्षाका कक्षा सञ्चालनका लागि विद्यालयले गत माघ २२ गतेदेखि यो यज्ञ सुरु गरेको थियो ।
श्रीमद् भागवत ज्ञान यज्ञ मुल समारोह समितीका अध्यक्ष गिरीप्रसाद तिमल्सिनाका अनुसार यज्ञमा दान गर्नेहरुको संख्या दिनानुदिन बढ्दै गएको छ । उनले भने, अहिलेसम्म २५ लाख नगद उठेको छ । प्रतिबद्धता दिनेहरुको संख्या बढ्दै गएको छ ।
महायज्ञ शनिबार सम्पन्न हुने कार्यक्रम छ ।

दान दातालाई गरिने सम्मान अनुसार घिमिरे परिवारलाई बाजागाजा बजाएर परिक्रमा गर्नुको साथसाथै बिशेष सम्मान समेत गरेको मूल समारोह समितिका संयोजक गिरीप्रसाद तिमल्सिनाले जानकारी दिएका छन् । भागवत सप्ताह ज्ञान महायज्ञ यही पौष ३०गतेसम्म निरन्तर रहनेछ।

२०६० सालमा यस विद्यालयबाट एसएलसि दिएका ११ जना विद्यार्थीहरुले २५ हजार १५० रुपैयाँ विद्यालयलाई दान गरेका छन् ।