कान्तिलोकथ हुँदै हेटौडा चल्ने सुमोका कारण ललितपुरमा ट्राफिक समस्या

ललितपुर खबर
६ फागुन । पछिल्लो समय दक्षिण ललितपुरको हुँदै कान्ति लोकपथबाट सयौंको संख्यामा टाटासुमो चल्न थालेपछि गम्भिर ट्राफिक समस्या देखा परेको छ ।
वागमती प्रदेशमा मुख्यमन्त्री सालिकराम जम्कट्टेलले भीमफेदी सडक मर्मतका लागि २ महिना बन्द गर्न निर्देशन दिएपछि कान्तिलोक पथबाट एकातर्फी हेटौडा जाने व्यवस्था मिलाइएको थियो । महानगरिय प्रहरी बृत्त चापागाँउका डिएसपि कृष्णकुमार चन्दले भने तर हामीले हेटौडाबाट कान्तिलोकपथ हुँदै गाडीहरु आएका फेला पारेका छौं । यसका कारण पनि ट्राफिक समस्या भइरहेको छ ।
पछिल्लो समय दैनिक ६ सयको हाराहारी टाटासुमो र केही बस चल्ने गरेका छन् । यस सडकबाट चापागाँउ भट्टेडाँडा, आश्राङ,गिम्दी,फापरवारी, तालढुंगा, इकुडोल, माल्टा देविचौर घुसेललगायतका रुटमा समेत बस चल्छन् । साथै दक्षिण ललितपुरका यी क्षेत्रमा दुध र तरकारीजस्ता मालवाहक सवारी पनि चल्ने हुँदा ट्राफिक समस्या भइरहेको डिएसपि कृष्णकुमार चन्दले बताए ।
महानगरिय ट्राफिक प्रभाग चापागाउका प्रमुख रामनारायण श्रेष्ठले लामो समयसम्म यस क्षेत्रमा सडक विस्तार नहुँदा सवारी चाप बढेको डिएसपि चन्दले बताए ।
टाटा सुमोलगायत अन्य सवारी हेटौडा चल्न थालेपछि चापागाँउ, ठेचो र सुनाकोठीमा ट्राफिक जाम बढेको बताए । उनले भने,’हामीलाई सवारी खुलाउन हम्मे हम्मे पर्छ ।’
डिएसपि चन्दले चापागाँउ ठेचो र सुनाकोठी सडक साँधुरो रहेकाले घैसेपाटी टिकाभैरव हुँदै कान्तिलोकपथका सवारी चलाउन सुझाव दिने तयारी भइरहेको बताए । उनले भने, यो बाटोबाट लेले लगनखेल, टाहाखेल लगनखेलको बस मात्रै होइन निर्माण सामाग्री, ठूला मालवाहक गाडी पनि आउछन् । मुस्किलले दुई वडा गाडी चल्न सक्छ । धेरै ट्राफिक जाम भयो ।
दक्षिण ललितपुरको तीनपाने बगुवा सडक खण्डमा साँधुरो बाटो र डरलाग्दो भीर रहेकाले रातमा गाडी चलाउदा दुर्घटनाको जोखिम रहेको उनको भनाई छ । उनका अनुसार रातमा गाडी कुनै दुर्घटना भए उद्दारको राम्रो व्यवस्था छैन ।
भट्टेडाँडा प्रहरी चौकीमा १० जना प्रहरी दरवन्दी छ । आउन जान पाहाडको बाटो समस्या छ । प्रहरीसँग यथेष्ट सिआभि समेत छैन ।
सडकमा पयाृप्त ट्राफिक प्रहरी समेत नहुँदा जाम खुलाउन समेत समस्या पर्ने गरेको छ ।