चलचित्र छड्के २ को ट्रेलर सार्वजनिक

११ फागुन । एक्सनले गरिएको नायक अनमोल केसी अभिनिय चलचित्र छड्के २ को ट्रेलर सार्वजनिक गरिएको छ ।
तीन हप्ता अघि सार्वजनिक गरिएको टिजरबारे नकारात्मक टिप्पणी भोगेपछि बुधबार ट्रेलर सार्वजनिक गरिएको हो ।

चलचित्र मनाङको कथामा घुमेको ट्रेलर हेर्दा मनुमान लगाउन सकिन्छ । यहाँको यार्सागुम्बा र स्याउको कारोबारबारे कथा घुमेको छ । मेनडक र गीन ग्याङ र खजुरेजस्ता ग्याङबीचको लडाई ट्रेलरमा देखाएको छ ।
छड्के २ फागुन १९ गतेबाट हल हलमा लाग्दैछ । यही दिन दिपकराज गिरीको चलचित्र छक्का पञ्जा ४ समेत चलाउने तयारी छ । ठूला दुई चलचित्रको भिडन्तले व्यापारको अवस्था कस्तो होला ? त्यो भने हेर्न बाँकी छ ।
निगम श्रेष्ठको लेखन तथा निर्देशनमा तयार भएको यो चलचित्रमा देव कुमार श्रेष्ठ र प्रशान्त गिरीको लगानी छ । निर्भाना फिल्म स्कुल र लक्ष्मण काफ्ले कार्यकारी निर्माता छड्के ३ मा मस्को सिंह र राजेन्द्र सापकोटाको छायांकन, रवि चौधरी र लोकेशन बज्राचार्यको सम्पादन, राजकुमार उप्रेतीको एक्सन छ ।

चलचित्रमा अनमोलको साथमा रोविन तामाङ, कमलमणी नेपाल, श्रृजना सुब्बा, देवु श्रेष्ठ, रेसा आले मगर लगायतका कलाकारले अभिनय गरेका छन् ।