चलचित्र बहाव हेर्ने दर्शकले दिए मिश्रित प्रतिकृया

चलचित्र हेर्न नेताहरु प्रदीप पौडेल, रघुजी पन्त, पदम गिरी, लुनिभा तुलाधर, नीता ढुंगानालगायत हल पुगेका थिए

२३ चैत्र । राजधानीमा चलचित्र बहावको प्रिमियर शो सम्पन्न भएको छ ।

कलाकार,पत्रकार विभिन्न राजनीतिकर्मी र आफन्तहरुले चलचित्र हेरेर हलबाट फर्केपछि धेरै दर्शकले नयाँ विषयबस्तु उठान गरेको भन्दै चलचित्रको प्रशंसा गरेका छन् ।
चलचित्र हेर्न नेताहरु प्रदीप पौडेल, रघुजी पन्त, पदम गिरी, लुनिभा तुलाधर, नीता ढुंगानालगायत हल पुगेका थिए ।

अभिनेत्री सुरक्षा पन्तले दर्शकका लागि कथा नयाँ हुनसक्ने बताइन् । उनले आफ्नै चलचित्रमा समेत आलोचनात्मक प्रतिकृया दिने समेत बताइन् ।
हास्यकलाकार कथा केही फरक रहेको बताए । उनले दर्शकलाई एकपल्ट हेर्न अनुरोध गरेका छन् ।

सासंद रघुजी पन्तले यसको विषयवस्तु, कलाकारको अभिनयले केही सोच्न वाध्य बनाउने बताए । उनले चलचित्र उत्कृष्ट लागेको भन्दै हलबाट निस्केका थिए ।
कलाकार लुनिभा तुलाधर चलचित्रको कतिपय दृश्यमा आफू गम्भीर भएको बताइन् ।

कलाकार कमलमणी नेपालले दर्शकले चलचित्रको कथाबस्तुले बाँधेर राखेको भन्दै प्रतिकृया पाउदा खुशी लागेको बताए । बजेटलगायत विभिन्न कुराको परिधिमा रहेर चलचित्र निर्माण गरिउको र उत्कृष्ट चलचित्र बनेको बताए ।
दर्शकले चलचित्र हलबाट बाहिरिदै गर्दा सिनेमेट्रोग्राफी भनेजस्तो राम्रो नभएको चलचित्रले हेरुञ्जेल बाँधेरको तर अन्तमा सोचेजस्तो उत्कृष्ट नभएको प्रतिकृया दिएका थिए ।

हरेक घर घरमा घट्ने सामाजिक विषयबस्तुमा आधारित चलचित्र बहावमा अभिनेत्री सुरक्षा पन्त वरिपरि घुमेको छ । चलचित्रमा सिमित कलाकार र सानो बजेटमा निर्माण गरिएको छ ।
शुक्रबारबाट चल्ने अर्को चलचित्र प्रसाद २ अदालतको आदेशले रोकिएसँगै बहालको प्रतिश्पर्धा छक्का पञ्जा ४ सँग मात्रै हुने देखिन्छ ।