ललितपुरको ठुलादुर्लुङमा घर गोठ जलेर नष्ट

१ बैशाख । ललितपुरको ठुलादुर्लुङमा आगलागी घर गोठ जलेर नष्ट भएका छन् ।
प्रहरीका अनुसार दक्षिण ललिातपुरको महांकाल गाउँपालिका ६ ठुलादुर्लुङका सुकमान गोले बस्दै आएका घर, गोठ र छिमेकी रामकृष्ण आचार्यको गोठमा समेत बुधबार दिउँसो आगलागी भएर नष्ट भएको हो । आगलागीपछि करिब ३ लाख ३५ हजार रूपैयाँ बराबरको धनमाल जलेर नष्ट भएको प्रहरीको भनाई छ ।
प्रहरीले स्थानीय बासिन्दा र दमकलको सहयोगमा आगलागी नियन्त्रणमा लिएको थियो ।
आगलागी के कारणले भएको भन्ने सम्बन्धमा प्रहरीले आवश्यक अनुसन्धान गरिरहेको जानकारी दिएको छ ।