यी हुन् वानएक्स बेटमा पक्राउ परेका कलाकार र युट्युबर

३२ जेठ । प्रतिबन्धित अनलाइन बेटिङ एप ‘वान एक्स बेट’को प्रचार प्रसार गरेको आरोपमा ८ जना पक्राउ परेका छन् । पक्राउ पर्नेमा कलाकारहरु मरिचमान श्रेष्ठ ‘बल्छी धुर्बे’, राजु पौडेल, पवन खितवडा, एलिस राई, ज्वलन घर्ति मगर, गणेश देवकोटा, सरोज घिमिरे र वेगमन नेपाली रहेका छन् ।

उनीहरुलाई बुधबार पक्राउ गरिएको उपत्यका अपराध अनुसन्धान कार्यालयले जानकारी दिएको छ । उनीहरूमाथि सामाजिक सञ्जालका भिडियोहरूमार्फत वानएक्स बेटको विज्ञापन गरेको आरोप छ ।