नेपाल आइडल रवि ओडले ल्याए आफ्नै मोडलिङमा नयाँ गीत

६ असार । नेपाल आइडल सिजन टु का विजेता रवि ओड मोडलिङमा प्रवेश गरेका छन् ।
शान्तिश्री परियारसँग स्वर रहेको ‘ढिँडो मलाई देऊ’ गीतमार्फत गायक ओड मोडलिङ गरिएको गीत सार्वजनिक भएको छ ।
मङ्गलबार एक कार्यक्रमबीच उक्त गीत सार्वजनिक गरिएको हो । गीतको श्रव्यदृश्यमा तलिशा गुरुङ, रवि ओड, प्रिन्स विश्वकर्मा र खुश्बु खड्काको अभिनय रहेको छ ।
प्रमोदकुमार भण्डारीको निर्देशनमा तयार पारिएको उक्त गीतमा प्रकाश सापकोटाको शब्द रहेको छ भने सङ्गीत सन्तोष श्रेष्ठको रहेको छ । सङ्गीत संयोजन कमल सौरजले गरेका छन् भने सम्पादन मीन रावलले गरेका छन् ।
गीतको छायाङ्कन चितवनमा गरिएको हो । कार्यक्रममा संक्षिप्त प्रतिक्रिया दिँदै गीतका लेखक सापकोटाले गीत सङ्गीतलाई समय सापेक्षित रूपमा परिवर्तन गर्दै अगाडि बढ्ने बताए । उनले एउटा गीतलाई कस्तो स्वरूप दिने भन्ने कुरा लेखकको हातमा रहेको र त्यसको अनुयायीका रूपमा ‘ढिँडो मलाई देऊ’ सार्वजनिक गरिएको बताए ।

https://www.youtube.com/watch?v=zXPGrp6WQxc