चलचित्र ‘गणपति’को आइटम गीत ‘टुकी झ्याप’ सार्वजनिक

टुकीबाट आगो सल्केर पुरै सेट जलेपछि भोलिपल्ट यसै ठाँउमा कपडा चारैतिर बेरेर आइटम गीतको सुटिङ गरेको दृश्य देख्न सकिन्छ

२३ असार । चलचित्र ‘गणपति’को आइटम गीत ‘टुकी झ्याप’ सार्वजनिक भएको छ । रचना रिमाल, अनीश अधिकारी र निशान भट्टराईको स्वरमा रहेको गीत अनीशले नै लेखेका हुन् । बाबुल गिरिको सङ्गीत र कविराज गहतराजको कोरियोग्राफी रहेको यो गित सुटिङको बेला सेट जलेर खरानी बनेको घटना गीत सार्वजनिक कार्यक्रममा आयोजकले स्मरण गरे ।
टुकीबाट आगो सल्केर पुरै सेट जलेपछि भोलिपल्ट यसै ठाँउमा कपडा चारैतिर बेरेर आइटम गीतको सुटिङ गरेको दृश्य देख्न सकिन्छ ।
सो गीतमा नृत्यमा सहभागी अभिनेता मुकुन भुसाल र अभिनेत्री बर्षा सिवाकोटी पनि सहभागी थिए । साइत हेरेर गीत सार्वजनिक गरिएको कार्यक्रम निर्धारित समयभन्दा ढिलो सुरु भएको थियो ।
कार्यक्रममा अभिनेता भुसालले नाच्न नजाने पनि कम्मर हल्लाइदिएको प्रतिकृया दिदै राम्रो नृत्यको जस कोरियोग्राफर कविराजलाई दिए ।
अभिनेत्री बर्षाले राम्रो प्रोजेष्ट पाए आइटम नृत्यमा नै भए पनि काम गर्ने बताइन् । कोरोना महामारी अघि धेरै चलचित्र अभिनय गरेकाले ती एक एक गरेर अहिले प्रर्दशन भइरहेको उनको भनाई थियो ।