गायक तथा अभिनेता रविन तामाङप्रति अन्तिम श्रद्धाञ्जली

नक्सालस्थित नेपाल संगीत तथा नाट्य एकेडेमीमा उनलाई संगीत तथा चलचित्र क्षेत्रका गायक तथा कलाकारहरुसहित सर्वसाधारणले पुष्पगुच्छा चढाएर श्रद्धाञ्जली दिए

२४ असार । केही दिनअघि आफ्नै घरमा मृत अवस्थामा फेला परेका गायक तथा अभिनेता रविन तामाङप्रति राजधानीमा आज अन्तिम श्रद्धाञ्जली व्यक्त गरिएको छ ।

नक्सालस्थित नेपाल संगीत तथा नाट्य एकेडेमीमा उनलाई संगीत तथा चलचित्र क्षेत्रका गायक तथा कलाकारहरुसहित सर्वसाधारणले पुष्पगुच्छा चढाएर श्रद्धाञ्जली दिए ।
उनको पार्थिव शरीरमा संस्कृति पर्यटन तथा नागरिक उड्डयनमन्त्री सुदन किरातीले राष्ट्रिय झण्डा ओढाए ।
श्रद्धाञ्जली दिन सरकारको प्रवक्ता समेत रहेकी सञ्चार तथा सूचना प्रविधिमन्त्री रेखा शर्मा र कांग्रेस महामन्त्री गगन थापा समेत सहभागी भए ।
श्रद्धाञ्जली दिने क्रममा उनले गाएर गीतहरु समेत बजाइएको थियो ।

रविन तामाङको पार्थिव शरीरलाई आजै शोभा भगवतीमा अन्तिम संस्कार गरिदैछ ।

नेपाली रक संगीतलाई स्थापित गर्न गायक तामाङमने विषेश योगदान छ ।