अभिनेत्री दिपाले उठाइन हात, पत्रकारले बजाए ताली

मुलधारको पत्रकारिता भंग भएर व्यक्तिबादी सञ्चार साधनको बोलवाला चल्न थालेको भन्दै अवको पत्रकारिताको परिभाषा र काम गर्नेशैली परिवर्तन गर्नुपर्ने

ललितखबर
२९ असार । राजधानीमा शुक्रबार चलचित्र पत्रकार संघ र कलाकर्मीहरुसँगको अन्र्तक्रिया ज्यादै रोचक बन्यो । पत्रकार र कलाकारहरुबीच सामान्य घोचपेच र आरोप प्रत्यारोपबीच प्रश्नोत्तरसम्म आइपुग्दा
अभिनेत्री तथा चलचित्र निर्देशक दिपाश्री निरौलाले पत्रकारहरुदेखि डर लाग्ने बताइन् ।
अभिनेत्री निरौलाले पत्रकारहरुले समाचार तोडमोड र काटकुट गरेर लेख्ने गरेकाले डर  लाग्ने गरेको उनको भनाई थियो । ।
प्रश्नोत्तरका क्रममा एक पत्रकारले अभिनेत्री निरौलाले आफूनजिकका पत्रकारहरुलाई मात्रै समाचार दिने पत्रकारलाई चलचित्रबारे समाचार लेख्न अनुमती नदिने, समाचार सामाजिक सञ्जालमा शेयर गर्ने र आफू अनुकूल सञ्चारमाध्यमहरुलाई मात्रै साथ लिने गरेको भन्दै जवाफ मागे । पत्रकारले गरेको प्रश्नमा समर्थन जनाउदै अन्य पत्रकारहरुले ताली बजाएका थिए ।
अभिनेत्री निरौलाले हात उठाउदै आफूले अन्य धेरै समाचारहरु सामाजिक सञ्जालमा शेयर गर्ने गरेको सम्भव भएसँगै सबैको साथ लिने गरेको बताइन् ।
आफूले छक्का पञ्जा ४ प्रर्दशनको बेला धेरै काम बाँकी रहेकाले पत्रकारहरुसँग सहकार्य गर्न नपाएको भन्दै माफी समेत मागिन् ।
पत्रकार तथा निर्देशक फुलमान बलले मुलधारको पत्रकारिता भंग भएर व्यक्तिबादी सञ्चार साधनको बोलवाला चल्न थालेको भन्दै अवको पत्रकारिताको परिभाषा र काम गर्नेशैली परिवर्तन गर्नुपर्ने राय व्यक्त गरे ।
अर्की अभिनेत्री केकी अधिकारीले सिने क्षेत्रमा प्रतिभा र सम्भावना भएका कलाकारबारे लेख्नु पर्ने बताइन् ।
कार्यक्रममा धेरै भ्युज जाने सञ्चारमाध्यमहरुको साथ लिएर अरु पत्रकारलाई वास्तै नगर्ने प्रबृत्ति मौलाएको विषय पत्रकारहरुले उठाएका थिए । उनीहरुले सधै सकारात्मक मात्रै समाचार लेखिदिने, पाठकबीच प्रभाव भएका पत्रकारहरु बोकेर हिड्ने गरेको आरोप लगाए । जसका कारण कला क्षेत्रमा गुटबन्दी भएको विषय उठेको थियो ।