चलचित्र ‘बगान’ हेरेर रोए दर्शक

ललितखबर
३० असार । शुक्रबारबाट देशभर चलचित्र ‘बगान’ प्रर्दशन सुरु भएको छ । चर्चित अभिनेता सरोज खनालको डेव्यु निर्देशनमा निर्माण भएको यस चलचित्र हेर्न राजधानीका चलचित्र भवनहरुमा भीडभाड नै देखिएको छ ।
चलचित्र भवनहरुमा निर्देशक सरोज खनाल, अभिनेत्री करिष्मा मानन्धर, नवअभिनेत्री प्रमिला कार्की, र अभिनेता आकाश श्रेष्ठ भक्तपुर क्युएफएक्स भाटभटेनी, राईजिङ मल, दरबारमार्ग र लबिम मल, पुल्चोक पुगेर दर्शकहरुको प्रतिकृया लिएका थिए ।
चलचित्र भवनमा एकल महलिाहरुको भीडभाड देखिएको थियो । चलचित्र हेरेर दर्शकहरुले अभिनेत्री करिष्मा मानन्धरसँग अंगालो हालेर रोएका छन् । अभिनेत्री मानन्धरले नरुन आग्रह गर्दै आफूले समाजको प्रतिनिधि पात्रको रुपमा अभिनय गरेको बताइन् ।
दर्शकहरुले चलचित्रमा आफ्नो कथा चलचित्र देखाएको प्रतिकृया दिएका छन् ।
निर्देशक सरोज खनालले पुरुषहरुलाई मनस्थिती परिवर्तन गर्न खोजेको बताए ।
अभिनेत्री प्रमिला कार्कीले वास्तविक हिरो एकल महिला रहेको बताउदै भनिन्, ‘हामीले चाँही अभिनय मात्रै गरेका हौं, समाजसँग लड्ने तपाईहरु वास्तविक हिरो हुनुहुन्छ ।’
चलचित्र बगान एकल महिलाहरुलाई देशभरका चलचित्र भवनहरुमा निशुल्क हेर्ने व्यवस्था गरेको छ । जसका लागि एकल महिला भएको प्रमाणित सरकारी परिचय पत्र बोकेर जानु पर्छ ।