दक्षिण ललितपुरका किसान आन्दोलित, महाँकालको पालिका कार्यालय घेराउ गर्दै

कर फिर्ता नभए गाँउपालिकाको कार्यालयमा ताला लगाउनेसम्मको कार्यक्रम सार्वजनिक हुन्छ

ललितखबर
१७ साउन । दक्षिण ललितपुरस्थित महाँकाल गाँउपालिकाका किसान गाँउपालिका विरुद्ध आन्दोलनमा उत्रेका छन् । गाँउपालिकाले दुधमा प्रतिलिटर २० पैसा कर लगाउने भएपछि किसान आन्दोलित भएका हुन् ।
अखिल नेपाल किसान संघका पालिका अध्यक्ष कृष्णप्रसाद घिमिरेले आगामी शुक्रबार गाँउपालिकाको कार्यालय घेराउको कार्यक्रम राखिएको बताए । भने, ‘कर फिर्ता नभए गाँउपालिकाको कार्यालयमा ताला लगाउनेसम्मको कार्यक्रम सार्वजनिक हुन्छ ।’
अध्यक्ष घिमिरेले दक्षिण ललितपुरमा कुनै पनि दुग्ध व्यावसायी नभएको दावी गरे भने, ‘यहाँ राजधानी, नवप्रभात र मदानी डेरीका एजेन्टले दुध भरेर लैजान्छन् । उनीहरु एजेन्ट हुन् । त्यो कर हामीलाई नै लगाउछन् ।’
गाँउपालिकाका अध्यक्ष गणेश केसीले व्यावसायीहरुसँग छलफल र सहमतीपछि कर लगाउने निर्णय गरिएको बताए ।

 

गाँउपालिकाले सडक बनाई दिएर ठिक्क पारि दिनु पर्ने तर कर चाही नतर्ने हुनै सक्दैन । दर्ता गरेर कर नतिर्ने खारेज हुन्छन्

महाँकाल गाउपालिकाका किसानसँग दुध किनेर लैजाने व्यापारीहरु गाँउपालिकामा दर्ता नभए दर्ता गरेर काम गर्न दिने अध्यक्ष केसीले बताए । भने, ‘गाँउपलिकामा दर्ता पनि नहुने र कर पनि नतिर्नेलाई व्यावसाय गर्न दिइदैन । गाँउपालिकाले सडक बनाई दिएर ठिक्क पारि दिनु पर्ने तर कर चाही नतर्ने हुनै सक्दैन । दर्ता गरेर कर नतिर्ने खारेज हुन्छन् ।’ नाफामुलक संस्थाले कर तिर्दिन भन्नु गैरकानुनी हुने बताए ।
कर किसानलाई लगाए व्यावसाय नै गर्न नदिने उनको भनाई छ ।
अध्यक्ष केसीले गाँउपालिकाले बर्षाको बेलामा समेत सडक बनाएर दुध बिक्रि व्यावसायीहरुलाई गर्न सहज बनाएको दावी गरे ।