गोदावरीमा स्कुटर दुर्घटनापछि युवकको मृत्यु, एक जना घाइते

१४ भदौं । ललितपुरको गोदावरीमा स्कुटर दुर्घटनामा एक युवकको मृत्यु भएको छ छ भने स्टटरमा सवार अर्का युवक घाइते भएका छन् ।
प्रहरीका अनुसार ललितपुरको गोदावरी नगरपालिका ३ गोदावरीस्थित सडकमा बा.६५ प ५०११ नम्बरको स्कुटर आफै अनियन्त्रित भई बुधबार राति दुर्घटना भएको थियो ।
दुर्घटनापछि गोदावरी नगरपालिका ३ टौखेल बस्ने स्कुटर चालक जाजरकोट घर भएका २४ वर्षीय प्रेम बहादुर शाहको मृत्यु भएको छ ।
दुर्घटनापछि गम्भीर घाइते शाहको पाटन अस्पतालमा उपचारको क्रममा मृत्यु भएको हो । साथै दुर्घटनामा घाइते भएका स्कुटरमा सवार १ जनाको सोही अस्पतालमा उपचार भइरहेको छ ।