ललितपुरको गोदावरीमा आज कन्सर्ट गर्दै भारतीय लिटिल च्याम्प’की विजेता जेट्सिन

६ असोज । भारतीय गायन रियालिटी शो ‘जीटीभी–सारेगमप लिटिल च्याम्प’की विजेता जेट्सिन डोना लामा आज ललितपुरको गोदावरीस्थित सनराइज हलमा कन्सर्ट आयोजना हुँदैछ ।
साधना कला केन्द्रले आयोजना हुने कन्र्सटका लागि उनी गतसाता कन्र्टका लागि काठमाडौं आइसकेकी छिन् ।

केन्द्रका अध्यक्ष मिलन मोक्तानले काठमाडौंको कपनमा रहेको बाल अपांग टेवा संस्थाको सहयोगार्थ कन्सर्ट गर्न लागिएको जानकारी दिएका छन् ।
संस्थामा आश्रित बालबालिकालाई विद्यालय जान समस्या भएपछि कन्सर्टबाट रकम उठाएर गाडी वा भ्यान किन्ने उद्देश्य छ ।
कन्सर्टका लागि १ हजार ५ सय २ हजार ५ सय र ५ हजार टिकको मूल्य राखिएको छ ।

भिडियो हेर्नुस् :

पहिलो अन्तराष्ट्रिय कन्र्सटमा सहभागी हुन नेपाल आउन पाउँदा खुशी लागेको बताएकी छिन् । कार्यक्रममा उनले २० वटा नेपाली र हिन्दी गीत गाउनेछिन् ।
गोदावरीका कार्यक्रमस्थलमा फुड फेस्टिभल समेत आयोजना गरिएको छ ।

भोलि आइतबार उनी फर्कने तयारीमा छिन् । कन्सर्टमा नेपालकै १० जना संगीतवादकको सहभागिता रहेका छन् ।