चलचित्र ‘परदेशी २’को चार दिनको व्यापार झण्डै २ करोड

३० असोज । चलचित्र ‘परदेशी २’ले ४ दिनमा १ करोड ९८ लाखको ग्रस कलेक्सन गरेको छ । बक्स अफिसको कलेक्सन अनुसार ४ दिनको कलेक्सन झण्डै २ करोड पुग्दा दैनिक ५० लाख कमाएको छ ।

चलचित्रको आम्दानी अनुसार निर्माताको हातमा लगभग १ कडोड हात पर्छ । चलचित्र प्रर्दशको पहिलो हप्ता निर्माताको पोल्टामा धेरै रकम पर्छ । यसपछिका हप्तामा क्रममा हलवालाहरुले धेरै रकम लिन्छन् ।
दशैंको पुर्वसन्ध्यामा प्रर्दशन भएको यस चलचित्रमा गायक प्रकाश सपुत मुख्य भुमिकामा छन् । चलचित्रमा अभिनेत्रीहरु केकी अधिकारी र बर्षा सिवाकोटीको अभिनय हेर्न सकिन्छ ।
दसैँका अवसरसँगै यो हप्ता नयाँ चलचित्र प्रर्दशन नभएकाले राम्रो कमाई गरिरहेको हो । ‘परदेशी २’ पढाईका क्रममा विदेशिने नेपाली युवाहरुको कथामा आधारित छ ।
चलचित्रको टिम पछिल्लो समय प्रचारका लागि देश दौडाहामा छ ।
चलचित्र परदेशी २ नारायण रायमाझीले निर्देशन गरेका हुन् भने चलचित्रबाट गायक प्रकाश सपूतले डेब्यु गरेका छन् ।