ललितपुर इमाडोलको जुवा अखडाबाट ६ जना पक्राउ

ललितपुर
२ कात्तिक । ललितपुरको इमाडोलबाट जुवा अखडाबाट ६ जना पक्राउ परेका छन् ।
प्रहरीका अनुसार महालक्ष्मी नगरपालिका ४ इमाडोल डेरा गरी बस्ने सिन्धुपाल्चोक घर भएकी ४५ वर्षीया रेवती नेपालीको फेन्सी पसलमा जुवातास खेलिरहेको अवस्थामा नेपाली समेत ६ जनालाई बुधबार राति प्रहरीले पक्राउ गरेको छ ।
प्रहरी परिसर ललितपुर र प्रहरी वृत्त सातदोबाटोबाट खटिएको प्रहरी टोलीले उनीहरूलाई नगद ९४ हजार रूपैयाँ र ३ बुक ताससहित पक्राउ गरेको हो ।
घटनाका सम्बन्धमा प्रहरीले आवश्यक अनुसन्धान गरिरहेको जानकारी दिएको छ ।