चलचित्र ‘दिमाग खराव’ निर्मातालाई ५० प्रतिशत नदिए हलमा नचल्ने

ललितखबर
२९ कात्तिक । चलचित्र दिमाग खराब हलमा प्रर्दशन गर्दा टिकटको ५० प्रतिशत रकम नदिए नचल्ने भएको छ ।
बुधबार विज्ञप्ती प्रकाशन गरेर चलचित्र निर्माता रौनक विक्रम कँडेल र निर्देशक निश्छल बस्नेतले अन्यायपूर्ण व्यावहार जारी रहे प्रतिवाद गर्ने निर्णय सार्वजनिक गरेका हुन् ।
उनीहरुले चलचित्र प्रर्दशन भएको पहिलो र दोश्रो हप्ता निर्माताले टिकट बिक्रि रकमको ५० प्रतिशत पाउने तर तेश्रो हप्ताबाट ३५ प्रतिशत मात्रै पाउने उल्येख गर्दै अन्यायपूर्ण व्यावहार भएको भन्दै सच्याउन माग गरेको हो ।
विज्ञप्तीमा विदेशी चलचित्रहरुलाई विना कुनै तर्क प्रशस्त शो दिने र नेपाली चलचित्रहरुलाई कम शो दिने गरेको गुनासो गरिएको छ । उनीहरुले बराबरी बराबरी शो र ५० प्रतिशत टिकट रकम माग दावी गरेका छन् ।
विज्ञप्तीमा निर्माता र निर्देशकले आमदर्शकहरुलाई परेको असरप्रति क्षमा माग्दै चलचित्र प्रर्दशन रोक्ने निर्णय गरिएको छ । चलचित्र हलमा चल्न नदिए अरु माध्यमहरुबाट प्रर्दशन गर्ने घुर्की समेत विज्ञप्ती मार्फत गरिएको छ ।